Profil Yoxlanışının əsas qaydaları

 

Saytda qeydiyyatdan keçmək və nəticədə akkaunt hesabından istifadə etmək onu bildirir ki, Siz anlayırsınız ki, Şirkətinizə aid olan məlumatları (Sizdən və ya digər qanuni məmbələrdən əldə etdiyimiz), akkaunt hesabınızdakı qeyd etdiyiniz məlumatlarla müqaisə edə bilərik. Bu cür müqaisələrin (yoxlamaların) nəticəsində, akkaunt hesabınızın doğru olub-olmaması ilə bağlı qərarlar qəbul etmək hüququna malikik. Bundan əlavə, xüsusi yoxlanış meyarlarına uyğun olaraq, etibarlılıq tələblərinə cavab verən akkaunt hesablarını (bundan sonra — "Profil Yoxlanışı") xüsusi qaydada ayırmaq niyyətindəyik.

 

Profil Yoxlanışı dedikdə, real və potensial həmkarlarınızın nəzərinə, bizim tərəfimizdən Sizin akkaunt hesabınızın doğru olmasını açıq şəkildə təsdiq etməyimiz nəzərdə tutulur. İstifadəçinin profilini yoxlamaqla, biz, Şirkətin təqdim etdiyi yüklərin daşınması üzrə xidmətlərinin keyfiyyətinə görə, həmçinin, daşımanı sifariş edən Şirkətin ödəmə qabiliyyətinə görə heç bir məsuliyyət daşımırıq (Şirkətin biznes etibarlılığını/effektivliyini yoxlamaq üçün saytda "rəylər" sistemi nəzərdə tutulmuşdur). Profil Yoxlanışı ilə biz yalnız Şirkətin akkaunt hesabında göstərilən əsas məlumatların etibarlılığını təsdiq edirik.

 

Profil Yoxlanışı pulsuz xidmət sayılır, lakin, bu xidmət yalnız Lardi-Trans saytının ödənişli Servislərinin ödənilməsi barədə məlumatlara əsasən, avtomatik rejimdə həyata keçirilir.

 

Əgər siz, hər hansısa səbəbdən, profil Yoxlanışının avtomatik keçmə şərtlərinə cavab olaraq, bu statusdan imtina etmək istəyirsinizsə, xahiş edirik ki, bizə bu barədə məlumat verəsiniz info@lardi-trans.com.

 

Ödəniş rekvizitləriniz hər hansısa səbəbdən akkaunt hesabınızdakı məlumatlarla üst-üstə gəlmirsə və yaxud, əgər Siz hələ də Lardi-Trans saytının ödənişli Servislərinin üstünlüklərini qiymətləndirə bilməmisinizsə, bəzi sənədləri ("sənədlər üzrə profil Yoxlanışı", aşağıda baxın) bizə göndərməklə, profil Yoxlanışından keçə bilərsiniz.

 

Profil Yoxlanışı uğurla həyata keçsə belə, akkaunt hesabınızın doğru olmasına görə yenə də məsuliyyət Sizin üzərinizdə olacaqdır. Bu qayda Saytımızın bütün İstifadəçilərinə aiddir. İstifadəçinin müvafiq öhdəlikləri və doğru olmayan akkaunt hesabın qeydiyyatının və/ya istifadəsinin mümkün olan nəticələri — İstifadəçi Razılığının əsas mətninin 4-cü bölməsində təsvir edilmişdir.

 

Biz, Sizin uğurla həyata keçirilmiş profil Yoxlanışına aid olan statusunuzun fəaliyyəti ilə bağlı, hər hansısa tarix və/ya müddət məhdudiyyətləri qoymuruq.

 

Profil Yoxlanışından bir müddət keçdikdən sonra, akkaunt hesabınızın doğru qalmasının aktuallığı — Sizin məsuliyyət zonanıza aiddir. Aşağıda göstərilmiş variantlardan, Sizin üçün ən rahat üsulla, profil Yoxlanışı prosedurundan keçməklə, istənilən an öz məlumatlarınızı təzələyə bilərsiniz.

 

Yuxarıda qeyd olunanlara baxmayaraq, əgər biz, profilinizin Yoxlanışı əsasında, akkaunt hesabınızı etibarlılıq Reytinqində əlavə bal ilə, və/ya rəy yazmaq hüququ ilə təmin etsək, bu cür imtiyazlar, xüsusi məhdudiyyətlər olmadan, müddət üzrə qüvvədə olacaq.

 

Biz, sizin akkaunt hesabınızla bağlı olan məlumatların (həmçinin, Şirkətinizin qeydiyyatı) doğru olduğunu, eləcə də Şirkətinizin adı və qeydiyyat (identifikasiya, vergi) kodunun (nömrəsinin) uyğunluğunu, rəsmi mənbələrdə yoxlamaq və uyğunsuzluq aşkar edildikdə, profil Yoxlanışından imtina etmək və ya statusunuzu ləğv etmək hüququnu özümüzdə saxlayırıq.

 

Profil yoxlanışının uğurlu keçməsi statusunu ləğv etmək və ya statusu təqdim etməkdən imtina etmək üçün (müvafiq pozuntular da akkaunt hesabının bloklanması üçün əsas olduğu nəzərə alınmaqla) əsaslar:

  1. istənilən legitim üsullarla, profil Yoxlanışı ilə bağlı akkaunt hesabındakı məlumatların doğru olmamasının aşkar olunması;
  2. İstifadəçi Razılığında göstərilmiş akkaunt hesabından istifadə qaydalarının pozulması.

 

Profil Yoxlanışı, müvəffəqiyyətlə keçirilmiş profil Yoxlanışı statusunuzun etibarlılığı üçün, əlavə təsdiq olmadan, akkaunt hesabınızda olan məlumatların dəyişdirilməməsini nəzərdə tutur . Bizim hüququmuz var:

  1. profilin Yoxlanışı və/ya müvəffəqiyyətlə "profil Yoxlanışından keçmiş" statusu ilə təmin edilmiş akkaunt hesabındakı Şirkət məlumatlarını dəyişdirmək üçün "əvvəcədən moderasiya" rejimini təyin etmək (qeydiyyat məlumatlarının müvafiq sahələrini dəyişdirmək imkanı Sizin üçün bloklanacaq)
  2. dəyişikliklər etdiyiniz halda, müvəffəqiyyətlə keçmiş profil Yoxlanışı statusunu avtomatik olaraq çıxarmaq.

 

Biz öz mülahizəmizlə, digər İstifadəçilərə, akkaunt hesablarının yoxlanılmasının doğru olmasının zəmanətləri barədə xəbərdarlıq etmək hüququnu özümüzdə saxlayırıq.

 

 

Nəzarət ödənişi etməklə profil Yoxlanışı

 

Profil Yoxlanışından keçmək üçün Sizə lazımdır:

  1. akkaunt hesabınızın səhifəsində olan "Şirkət haqqında məlumat" bölməsinin "Müəssisə kodu" sahəsində — Şirkətinizin qeydiyyat kodunu (nömrəsini) qeyd etmək (identifikasiya, vergi; Ukrayna üçün — ЕГРЮЛФЛП/ЕГРПОУ; Rusiya Federasiyası üçün — ИНН);
  2. Şirkətinizin cari bank hesabından Sayt Servislərinin ödənilməsini həyata keçirmək.

 

Profil Yoxlanışı bu halda uğurla həyata keçmiş hesab olunur:

  1. ad
  2. Şirkətinizin kodu (nömrəsi), həmçinin
  3. ödəyicinin (ödəniş göndərən)rekvizitlərində göstərilən cari hesab,

qeydiyyatda olduğunuz ölkənin rəsmi dövlət reyestrində olan məlumatlarla, həmçinin akkaunt hesabınızdakı qeyd etdiyiniz məlumatlarla uyğun gəlirsə.

 

Ödəyicinin (ödəniş göndərənin) rekvizitlərində olan rekvizitlərinizdən heç olmasa biri Sizin qeydiyyata alındığınız ölkənin rəsmi dövlət reyestrindəki və akkaunt hesabınızda qeyd etdiyiniz məlumatlara uyğun gəlmədiyi halda, bizim hüququmuz yaranır ki, Sizin profilinizi təsdiq etməkdən imtina edək. Ödənişin həyata keçirilməsi zamanı rekvizitlərinizdən birinin göstərilməməsinə yol verilən bəzi ölkələrin rezidentləri həmən rekviziti qeyd etməyə də bilərlər (Şirkət adı istisna olmaqla). Belə halda, nəzarət ödənişini həyata keçirərkən qeyd etdiyiniz rekvizitlər biz tərəfdən daha da diqqətlə öyrəniləcəkdir və qeydiyyatda olduğunuz ölkənin rəsmi dövlət reyestrində olan məlumatlarla, hesabınızda qeyd olunmuş məlumatlar tam üst-üstə düşdükdə, profilinizin Yoxlanış prosesi müvəffəqiyyətlə keçmiş hesab ediləcəkdir.

 

Profil Yoxlanışından uğurla keçdikdə, biz Sizin akkaunt hesabınızla bağlı Saytın səhifələrində xüsusi vizual işarələr əlavə edəcəyik. Həmən işarələrdə sonuncu ödənişiniz və məlumatlarınızın sonuncu yoxlanışı barəsində məlumatlar qeyd olunacaqdır. Bu məlumatları ödənişli İstifadəçilər görə biləcəklər.

 

Profilinizin ilkin Yoxlanışı, avtomatik olaraq, ödənişiniz bizə çatdıqdan sonra, adətən 5 iş günü ərzində həyata keçirilir. Qeyd olunan müddət ərzində profil Yoxlanışının uğurla həyata keçməsi ilə bağlı Sizə heç bir ismarıc gəlmədikdə və/ya akkaunt hesabınızda xüsusi işarə əlavə olunmadıqda, Sizə rahat olan istənilən üsulla bizim Əlaqə-mərkəzimizlə əlaqə saxlamağınızı xahiş edirik.

 

Əgər Siz Servislərin daha sonrakı ödənişlərini həyata keçirdikdən sonra, məlumatlarınızın yaxlanılma tarixini yeniləmək istəsəniz, xahiş edirik ki, profil Yoxlanışı prosedurunu yenidən keçmək üçün Əlaqə-mərkəzinə müraciət edəsiniz.

 

 

Sənədlər üzrə Profil Yoxlanışı

 

Sənədlər üzrə profil Yoxlanışından keçmək üçün bizə Şirkətinizin qeydiyyatını təsdiq edən sənədin əslini və ya, müvafiq hallarda, notarial qaydada təsdiq edilmiş surətini göndərmək lazımdır (Şirkətiniz rezident olduğu ölkənin qanunvericiliyinə uyğun olaraq müvafiq reyestrdən şəhadətnamələr, arayışlar, çıxarışlar; Şübhələr yarandığı hallarda, profil Yoxlanışının bir şərti kimi, ölkənizin qanunvericiliyinə istinad etməyinizi tələb etmək hüququna malikik). Habelə:

  • Ukraynanın hüquqi şəxsləri və fiziki şəxsləri (sahibkarlar) üçün müvafiq sənəd dövlət qeydiyyatı haqqında şəhadətnamə və ya "ЕГРЮЛФЛП"-dan çıxarış;
  • Rusiya Federasiyasının hüquqi şəxsləri üçün — aşağıdakılardan biri:
    • vergi orqanında uçota alınma haqqında şəhadətnamə/bildiriş;
    • və ya dövlət qeydiyyatı haqqında şəhadətnamə;
  • Rusiya Federasiyasının fərdi sahibkarları üçün:
    • vergi orqanında uçota alınma haqqında şəhadətnamə/bildiriş;
    • və Fərdi Sahibkarlığın dövlət qeydiyyatı haqqında şəhadətnamə.

 

Kağızda əl ilə yazılan, tarix, imzalayanın adı və vəzifəsi qeyd olunmaqla, Lardi-Trans saytında olan unikal İstifadəçi identifikatorunuz göstərilməlidir.

 

Sənədlərdə qeyd olunan Şirkətinizin kodu (nömrəsi) və adı, akkaunt hesabınızda qeyd etdiyiniz kod və adla eyni olan zaman, sənədlər üzrə profil Yoxlanışı uğurla həyata keçmiş hesab olunur.

 

Sənədlər üzrə profil Yoxlanışı uğurla həyata keçdikdə, biz, Saytın səhifələrində, Sizin akkaunt hesabınızla bağlı xüsusi vizual işarələr əlavə edəcəyik. Bizə göndərdiyiniz sənədlərlə bağlı məlumatları ödənişli İstifadəçilər görəcəklər: sənədin növü (adı); sənədin tarixi; surətin notarial qaydada təsdiq edilməsi tarixi (əgər varsa); məlumatların biz tərəfdən Yoxlanışın tarixi.

 

Sənədlər üzrə profil Yoxlanışına, profil Yoxlanışına aid olan bütün ümumi qaydalar tətbiq olunur (əgər bu növ Yoxlanış üçün tətbiq oluna bilərsə).

 

 

Elektron rəqəmsal imza ilə profil Yoxlanışı

 

Elektron rəqəmsal imza ilə profil Yoxlanışı (bundan sonra — ERİ) hüquqi şəxslər, fiziki şəxslər və fərdi sahibkarlar üçün, qüvvədə olan qanunvericiliklə ERİ istifadəsi mümkünlüyü nəzərdə tutulan ölkələrdə, mümkündür. Şəxsin öz imzası ilə bərabər tutulan ERİ alınması, ERİ açarlarını vermək səlahiyyəti olan akkreditə olunmuş açarlar sertifikatlaşdırma mərkəzində keçirilir.

Bununla yanaşı, ERİ aşağıdakı meyarlara uyğun olmalıdır:

  • ERİ, qeydiyyata alındığınız ölkənin qüvvədə olan qanunvericiliyinə uyğun olaraq, bunun üçün akkreditə olunmuş təşkilat tərəfindən verilməlidir;
  • ERİ qüvvədə olma müddəti gecikdirilməməlidir və onun legitimliyi, onu verən mərkəz və ya təşkilat tərəfindən təsdiqlənməlidir.

Profil Yoxlanışını əldə etmək üçün akkauntda hüquqi şəxsin və ya fiziki şəxsin-sahibkarın kodu mütləq şəkildə göstərilməlidir, fiziki şəxs üçün isə onun identifikasiya kodu göstərilir (bu kodun digər istifadəçilər üçün əlçatmazlığına Lardi-Trans zəmanət verilir). Əgər İstifadəçinin akkaunt hesabındakı kod ERİ açarındakı kodla üst-üstə düşərsə, profilinizin Yoxlanışı uğurla həyata keçmiş hesab olunacaq və "Profil yoxlanıldı" işarəsi əlavə olunacaqdır.

 

Son yenilənmə tarixi: 2021-08-18